पणजी आणि पंचा

जीजीच्या आईला बाबी पणजी म्हणते. म्हणजे उच्चार पंजी असा करते. तिचे बहुतेक व्यवहार पंजीच्या  बेडवर चालतात. कारण पंजीचा बेड आहे खूपच ऐसपैस आणि हुंदडायला खूप जागा. पंजी आणि बाबी यांच्या वयातही केवळ ८९-९० वर्षांचेच अंतर असल्यामुळे त्या दोघींचे चांगले जमते. 

एकदा बाबीला पणजीची गंमत करावीशी वाटली. 

बाबी म्हणाली मी आता पंजीला पंचा  म्हणणार. आपण पंजीला  पंचा  म्हणू या.
(दुसऱ्या वाक्याने सर्वांना आपल्या निर्णयात बळेच सामावून घेण्याचा प्रयत्न)

जीजी म्हणाली, वा गं, असं नाही म्हणायचं. म्हणजे तू पंजीला पंचा म्हणतेस, मग मला टॉवेल म्हणशील. 

दुसऱ्याच क्षणी बाबी म्हणाली, हो, आणि मी रुमाल!

काय कमाल आहे बाबीच्या information processing ची. 

How swiftly and correctly did she match the Category and size!
ती रुमाल म्हणाली स्वतःला, लहान आकार म्हणून पण पंचा, टॉवेलच्या Category ला न सोडता!

वाह बाबी!