बरेचदा बाबीला एखाद्या वस्तूचे नाव माहीत नसते, पण त्यासाठी थांबून राहील ती बाबी कसली! ती स्वतःच शब्द तयार करते. आराधना मधला तो प्रसिद्ध डायलॉग आठवतो का? 'लबसे क्या? मतलब समझ गए ना?'
जीजीकडे हॉलमध्ये छताला सुंदर झुंबर टांगले आहे. इलेकट्रीसिटी सुरु केली की झुंबरातील सर्व दिवे लागतात. आणि ते सतत रंग बदलत फिरू लागते. ब्लूटूथ वापरून त्यावर Youtube वरची गाणीही ऐकता येतात. बाबीची रोज निवडक गाण्यांची फर्माईश असतेच.
त्याला झुंबर म्हणतात हे काही बाबीच्या कानावर पडले नव्हते. एकदा फर्माईश करताना बाबी म्हणाली जीजी, तो गाण्याचा दिवा लाव ना!
किती सुंदर शब्दयोजना! आणि अतिशय समर्पक.... गाण्याचा दिवा
कोणत्याही टिप्पण्या नाहीत:
टिप्पणी पोस्ट करा